Mga araw na kaysaya
Pag kasama kita
Mga araw na nakakasabik
Pag alam kong kasama kita
Pero natatakot ako
Baka bukas ay mag-isa na lang ako
Na baka mawala ka
At haharap ako bukas na mag-isa na lamang
Sana’y wag mo akong iiwan
Ikaw na nagbigay sa akin ng tapang
At lakas upang harapin ang bukas
Bukas na siguradong masaya kapag nandyan ka
Pero paano kung wala ka na
Paano ako magsisimula kung wala ka na
Paano na ang pagsasamahan natin
Ang pagsasamahang walang katulad
Sana hindi na lang kita nakilala
Kung aalis ka rin
Sana di mo na lang ako tinanong
Kung mag-iisa rin pala ako
Ngunit, isang araw
Sinabi mo
Hinding-hindi mo ako iiwan
Kahit hindi ko pa ito sinasabi sa iyo
Anong saya ang aking naramdaman
Sa mga salitang naging daan
upang saya’y
Bumalik sa aking mga labi
Mula ngayon, bukas at kahit kailan
Lagi na tayong magkasama
Kahit anong pagsubok kakayanin
Dahil ikaw lamang ang nag-iisa sa puso ko
By cristina ongwico